虛擬遊東京地標名勝！淺草人力車車伕新推網上導賞團　幫大家一解思鄉之苦

疫情自今年初開始爆發，隨住情況日趨嚴峻，唔少國家都提出封關、呼籲國民如必要嘅情況下唔好外出等措施，確保國民安全。但對於熱愛去日本旅行嘅香港人嚟講，除咗不時見吓以前去旅行時嘅舊相或網上直播之，仲有咩方法可以一解思鄉之苦呢？

Photo from dream-rickshaw.com

而平日都會被遊客擠得水洩不通熱點東京淺草亦因為疫情關係，遊客大減，而有去過嘅大家都一定會見過佢哋，指嘅係一班靠為遊客提供淺草地區導賞服務為生嘅人力車車伕，佢哋同樣深受疫情重創，幾乎零收入。

Photo from dream-rickshaw.com

不過早前一班車伕就決定推出「Dream Rickshaw」網上導覽服務，將傳統行業轉型為網絡化，乘客可以足不出戶就睇到即時嘅日本實況。

Photo from dream-rickshaw.com

依個網上導覽服務係需要網上預約，人力車車伕會喺座位上放置手機或平板電腦，然後拉住架吉車透過 Zoom 視像會議平台帶著報咗名嘅客人四處觀光，就好似真係置身於其中一樣。

Photo from dream-rickshaw.com

全程約 40 分鐘，每次最多可以同時容納 6 個人，景點路線就由雷門出發，再到神谷BAR、Skytree晴空塔、傳法院通、弁天堂、時間鐘、二天門、淺草神社，最後返回淺草寺。

Photo from dream-rickshaw.com

服務喺8月內係免費畀大家享用（部分日子除外），而喺9月開始每程就會收費每人 3,000円。

Photo from dream-rickshaw.com

大家喺完成預約及付款手續之後，車伕就會喺預約當日嘅出發前 1 小時傳送 ZOOM 嘅網址畀你，你只要 Click 入網址就可以喇！

Photo from dream-rickshaw.com

雖然對各位日本通嚟講淺草都行到熟晒，但喺依個有得飛嘅情況下，睇吓當去咗都心過冇喇～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）